არქეოლოგიური აღმოჩენები გვარას ციხეზე

13 ივნისი, 2018

ხელვაჩაურის მუნიციპალიტეტში არსებულ გვარას ციხეზე არქეოლოგიური გათხრების შედეგად 18 ქვევრი აღმოჩნდა, რომლებიც XI საუკუნით თარიღდება. სპეციალისტები ციხის ტერიტორიაზე ორი კვირის განმავლობაში მუშაობენ და შესწავლილია ციხის შიდა ტერიტორიის ძირითადი ნაწილი. ასევე შესწავლილი იქნა ციხის გალავანში ჩართული კოშკი, სადაც აღმოჩნდა სხვადასხვა სახის კერემიკული ნაწარმი.

ექსპედიციაში სპეციალისტებთან ერთად ჩართულია ადგილობრივი მოსახლეობაც. არქეოლოგიური კვლევა-ძიების დასრულების შემდეგ დაზუსტდება ციხის აგების თარიღიც.ამ ეტაპზე, წარმოდგენილი მასალების მიხედვით ირკვევა, რომ ციხე ფუნქციონირებდა X-XVIII საუკუნეებში.

დღეს, არქეოლოგიური გათხრები აჭარის განათლების, კულტურისა და სპორტის მინისტრმა ინგა შამილიშვილმა, მოადგილე ირაკლი თავბერიძემ, ხელვაჩაურის მერი ჯუმბერ ვარდმანიძე და აჭარის კულტურული მემკვიდრეობის დაცვის სააგენტოს უფროსის მ/შ მირზა ცეცხლაძემ დაათვალიერეს. ექსპედიცია აჭარის კულტურული მემკვიდრეობის დაცვის სააგენტოს დაფინანსებითა და განათლების, კულტურისა და სპორტის სამინისტროს მხარდაჭერით მიმდინარეობს.

არქეოლოგიური გათხრების დასრულების შემდეგ იგეგმება გვარას ციხის რეაბილიტაციის პროექტის შესყიდვა.



კალენდარი

<<
<დეკემბერი 2018>
>>
ორშ.სამშ.ოთხშ.ხუთშ.პარ.შაბ.კვ.
48262728293012
493456789
5010111213141516
5117181920212223
5224252627282930
0131123456

ცხელი ხაზი

+995 (422) 27-20-01

სოციალური ქსელები

ბმულები