„პროფესიული განათლება ეკონომიკის განვითარებისთვის“

08 ნოემბერი, 2018

„პროფესიული განათლება ეკონომიკის განვითარებისთვის“- აღნიშნული საკითხი სასტუმრო „ჰილტონში“ ათასწლეულის გამოწვევის ფონდისა და ბათუმის სახელმწიფო საზღვაო აკადემიის პროფესიული მომზადების ცენტრის კონფერენციის ფარგლებში განიხილება.

შეხვედრის მონაწილეებმა პროფესიული განათლების განვითარებაში კერძო სექტორის როლის მნიშვნელობაზე ისაუბრეს.

დღესვე საზღვაო აკადემიაში, პროფესიული განათლების კვირეულის ფარგლებში, ღია კარის დღე გაიმართება, სადაც ყველა დაინტერესებულ პირს ახალი პროფესიული საგანმანათლებლო პროგრამების გაცნობის, განახლებული ინფრასტრუქტურისა და ლაბორატორიების დათვალიერების შესაძლებლობა ექნება.

კონფერენციას „ჩვენ პროფესიონალები ვართ“ აჭარის მთავრობის თავმჯდომარე თორნიკე რიჟვაძე, აჭარის ფინანსთა და ეკონომიკის მინისტრი ჯაბა ფუტკარაძე, აჭარის განათლების კულტურისა და სპორტის მინისტრი ინგა შამილიშვილი, აჭარის უმაღლესი საბჭოს წევრი მერაბ კარანაძე, საქართველოს ეკონომიკისა და მდგრადი განვითარების სამინისტროს, საზღვაო ტრანსპორტის სააგენტოს, ათასწლეულის გამოწვევის ფონდის, ათასწლეულის გამოწვევის კორპორაციის, ასევე კერძო სექტორის, პორტების, საკრუინგო და სამშენებლო კომპანიების წარმომადგენლები ესწრებიან.

„პროფესიული განათლება ეკონომიკის განვითარებისთვის“ წარმოადგენს ათასწლეულის გამოწვევის ფონდი - საქართველოს 16 მილიონი აშშ დოლარის ღირებულების პროექტს, რომელიც ათასწლეულის გამოწვევის კორპორაციის მიერ, ამერიკის შეერთებული შტატებისა და საქართველოს მთავრობას შორის გაფორმებული დოკუმენტის ფარგლებში დაფინანსდა.

იხილეთ გალერეა


კალენდარი

<<
<ოქტომბერი 2019>
>>
ორშ.სამშ.ოთხშ.ხუთშ.პარ.შაბ.კვ.
4030123456
4178910111213
4214151617181920
4321222324252627
4428293031123
4545678910

ცხელი ხაზი

+995 (422) 27-20-01

სოციალური ქსელები

ბმულები