აჭარის საინვესტიციო პოტენციალი დუბაის საინვესტიციო ფორუმზე (AIM)

10 აპრილი, 2019

დუბაიში ყოვეწლიური საინვესტიციო ფორუმი (AIM) მიმდინარეობს. მსოფლიოს ერთ-ერთ ყველაზე მნიშვნელოვან ბიზნეს შეხვედრაზე საქართველოს, წელს უკვე მეორედ, განსაკუთრებული საგამოფენო სივრცე დაეთმო.

საინვესტიციო ფორუმის მონაწილეებს აჭარის ფინანსთა და ეკონომიკის მინისტრი მიესალმა. ჯაბა ფუტკარაძემ აჭარის საინვესტიციო პოტენციალზე და ეკონომიკურ პროცესებზე ისაუბრა. სპეციალური პრეზენტაციით ბიზნეს სექტორის წარმომადგენლები აჭარაში მიმდინარე და დაგეგმილ საინვესტიციო პროექტებს გაეცნენ. 
დუბაის საინვესტიციო ფორუმზე ყოველწლიურად მსოფლიოს უმსხვილესი საინვესტიციო კომპანიები/ორგანიზაციები, ინვესტორები, ექსპერტები მონაწილეობენ. 
ღონისძიების ფარგლებში, საზოგადოებას მონაწილე ქვეყნების საინვესტიციო კლიმატის, შესაძლებლობებისა და პროექტების გაცნობის შესაძლებლობა აქვს.
ფორუმზე საქართველოს საინფორმაციო სტენდია წარმოდგენილი. დაინტერესებული პირები იმ პრიორიტეტული საინვესტიციო სექტორების შესახებ, რასაც საქართველო უცხოელ ინვესტორებს სთავაზობს, ინფორმაციას ეცნობიან.

აჭარის ფინანსთა და ეკონომიკის მინისტრმა ჯაბა ფუტკარაძემ, საინვესტიციო ფორუმის ფარგლებში, არაბთა გაერთიანებული საემიროების ეკონომიკის სამინისტროს საერთაშორისო ვაჭრობისა და მრეწველობის აღმასრულებელ მდივანთან აბდულა ალ სალეჰთან შეხვედრა გამართა. შეხვედრაზე საუბარი აჭარის საინვესტიციო კლიმატს და მხარეებს შორის სხვადასხვა სფეროში სამომავლო თანამშრომლობის პერსპექტივებს შეეხო.

იხილეთ გალერეა


კალენდარი

<<
<ივნისი 2019>
>>
ორშ.სამშ.ოთხშ.ხუთშ.პარ.შაბ.კვ.
22272829303112
233456789
2410111213141516
2517181920212223
2624252627282930
271234567

ცხელი ხაზი

+995 (422) 27-20-01

სოციალური ქსელები

ბმულები