,,Limes Congress ”-ის საორგანიზაციო კომისიის წევრები აჭარაში

16 იანვარი, 2020

აჭარის კულტურული მემკვიდრეობის დაცვის სააგენტოსა და ვარშავის უნივერსიტეტს შორის გაფორმებული მემორანდუმის ფარგლებში, ბათუმს საერთაშორისო სამეცნიერო კონფერენციის ,,Limes Congress 2024” -ის საორგანიზაციო კომისიის წევრები ეწვივნენ. ვიზიტის ფარგლებში შეხვედრა გაიმართა აჭარის განათლების, კულტურისა და სპორტის მინისტრთან მაია ხაჯიშვილთან. შეხვედრაზე ქ.ბათუმში საერთაშორისო სამეცნიერო ფორუმის ჩატარებასთან დაკავშირებული საკითხები განიხილეს და ამ მიმართულებით რეგიონის შესაძლებლობები შეაფასეს.

,,ლიმეს კონგრესი“ 1949 წლიდან ყოველ 3 წელიწადში ერთხელ ტარდება ყოფილი Imperium Romanum (რომის იმპერიის)-ის საზღვრების გავრცელების არეალში. ფორუმის მუშაობაში მონაწილეობას იღებენ მსოფლიოს სხვადასხვა კვლევითი ინსტიტუტების და უნივერსიტეტების პროფესორები და წამყვანი სპეციალისტები (მათ შორის აშშ, კანადა, ავსტრალია და სხვ.), რომლებიც განიხილავენ რომის იმპერიის სამხედრო სტრატეგიას, საფორტიფიკაციო სისტემების ფუნქციონირების თავისებურებებსა და საერთო ნიშნებს, ახალ არქეოლოგიურ აღმოჩენებს, სამეცნიერო ნოვაციებსა და ა.შ.

კულტურული მემკვიდრეობის დაცვის სააგენტოს ხელმძღვანელმა ზაურ ახვლედიანმა სტუმრებს გონიოს ციხე დაათვალიერებინა და რეგიონის ღირშესანიშნაობებისა და ტურისტული მარშრუტების შესახებ პრეზენტაცია წარუდგინა.

იხილეთ გალერეა


კალენდარი

<<
<თებერვალი 2020>
>>
ორშ.სამშ.ოთხშ.ხუთშ.პარ.შაბ.კვ.
05272829303112
063456789
0710111213141516
0817181920212223
092425262728291
102345678

ცხელი ხაზი

+995 (422) 27-20-01

სოციალური ქსელები

ბმულები